Acabamos de lanzar a plataforma www.aldeasvivas.gal. Trátase dun banco de casas, terras e negocios que están dispoñibles nos catorce concellos do noso territorio.
Calquera persoa que teña algunha vivenda, negocio, terra ou incluso algunha oferta ou demanda de emprego, pode subila a esta páxina web.
A idea é poñer en contacto ás persoas propietarias coas persoas que están interesadas en darlles uso. Xa temos varias oportunidades publicadas e iremos incorporando máis nos próximos días.