O pasado 31 de xullo en Baleira, Luz Rossel, da Cooperativa Ribeiregas, impartiu un obradoiro sobre como aproveitar os excedentes da horta para facer conservas.
Foi un obradoiro moi práctico con gran participación interxeracional e de veciños da Fonsagrada, Becerreá e As Nogais, entre outros Concellos que forman parte do proxecto "Territorio Intelixente, Montes e Vales Orientais".
Estes espazos formativos buscan poñer en valor os talentos e coñecementos dos veciños do territorio e promover o aproveitamento dos recursos naturais en beneficio da comunidade, ademais de dinamizar o tecido social a través da integración e participación de veciños asentados e novos poboadores.
Para o segundo semestre do ano, están programados obradoiros de: elaboración de xabóns artesanais, preparados con plantas medicinais, e sesións de intercambio entre as distintas culturas presentes no territorio.
GL 
ES