A través desta actuación, queremos dar resposta á necesidade de vivendas, locais e terras de alugueiro como condición imprescindible para o asentamento de novos poboadores, para a substitución xeracional do sector agrario e para que os mozos poidan levar a cabo o seu proxecto de vida sen ter que emigrar da súa comarca.
Queremos achegarnos a pechar o círculo da promoción do emprendemento e a creación de emprego local a partir dos novos nichos de mercado xerados pola transición dixital e ecolóxica da economía.
Para isto, apostamos por:
- Dinamizar a práctica do alugueiro no territorio como potenciador das posibilidades de acceso á vivenda, necesaria para a retención de poboación nova local así como na captación e asentamento de poboación nova.
- Identificar os condicionantes limitadores desa cultura do alugueiro como punto de partida para o cambio: diagnóstico dende a escoita a propietarios e demandantes, así como implicación da poboación nas solucións a medio e longo prazo.
- Deseñar unha ferramenta web que permita ofertar e demandar recursos habitacionais e oportunidades laborais ou de emprendemento.
- Establecer unha canle de contacto entre demandantes e ofertantes.
- Promover ferramentas de acompañamento e mediación para a integración de novos poboadores.
Queres coñecer os recursos dispoñibles?
GL 
ES