Vídeoasistencia a persoas maiores

Como complemento da asistencia presencial prestada polos Servizos Sociais locais e en coordinación con estes departamentos municipais, ponse en marcha o servizo de videoasistencia a persoas maiores.

Que se pretende con esta iniciativa?

• Favorecer a autonomía das persoas maiores, evitar o proceso de illamento e contribuir a paliar situacións de soidade non desexada.
• Detectar necesidades da propia persoa e da súa contorna.
• Coordinar os recursos e facilitar a aproximación dos recursos necesarios.
• Captar e reter persoal cualificado no territorio, mediante a prospección de fórmulas para impulsar a xeración de emprego ligado á oferta de servizos ás persoas maiores.
• Xerar novas propostas de servizos impulsando plataformas intelixentes que comporten a xeración de emprego.
• Impulsar novos perfís profesionais ligados a cubrir de forma integral as necesidades das persoas maiores.
• Favorecer a competitividade empresarial e o emprego ligado á oferta de servizos e consumo pensada especificamente para persoas maiores.

Ademais das funcións propias do servizo prevese a utilización de equipamento tecnolóxico (tablets ou similar) para:

• Vehicular servizos de apoio integral relacionados coa saúde e o benestar, tecnolóxicos, culturais, lecer e do coñecemento, administrativos e financeiros, e outros servizos complementarios.
• Xerar un “escenario de emprendemento” asociado aos servizos a persoas maiores utilizando ese equipamento tecnolóxico (tablets) como escaparate dixital dos servizos que os emprendedores e pemes locais poden ofrecer ás persoas maiores: desde programas en liña de envellecemento activo a servizos de coidado persoal, servizo de comida a domicilio, transporte a demanda, etc.

Estás interesado en ser usuario deste servizo? Coñeces a alguén que podería estalo?

Contacta co departamento de Servizos Sociais do teu Concello.